Nuwejaars Boodskappe om te deel

Elke jaar deel ons nuwejaars boodskappe met mekaar. Ons klink ‘n glasie en spreek goeie wense oor mekaar uit.

Hierdie jaar doen ons dit weer. Behalwe, die partytjie is nie so groot nie, want oujaar val op ‘n Sondag.

Wat wens jy vir jouself vir 2025?

nuwejaars boodskappe (om te deel)

Hieronder volg ‘n paar nuwejaarswense wat jy met ander kan deel. Jy kan ook jou eie ontwerpe maak met van die onderstaande boodskappe.

Jy kan woorde van:

• onderskraging deel,
• goeie wense,
• grappige sêgoed of
• iets meer Christelik.
• Sê vir iemand hoeveel hy of sy vir jou beteken,
• bedank iemand wat heeljaar konstante ondersteuning bied,
• of ‘n goeie vriendin wat elke oggend in’check’ met ‘n ek-hoop-jyt-‘n-lekker-dag boodskap.
• Deel wense van goeie gesondheid
• voorspoed
• sukses en
• liefde met mekaar.

Mens hoef ook nie elke keer ‘n boek te skryf nie, ‘n kort wens sal ook doen. Doen dit net.

Hartlikste Wense:

deur ‘n baie gevatte skrywer van Afrikaanse wyshede, die gewilde CJ Langenhoven:  

“Ek wens vir jou ‘n gelukkige Krismis en dwarsdeur die Nuwejaar, ‘n opgeruimde humeur, ‘n gesonde kleur, krag om te beur, niks om te betreur, min om te verleer, te veel om te verteer, en al wat jou hart behoort te begeer.” – CJ Langenhoven.

• Dankie dat jy deel was van my lewe in 2024. Dankie vir al jou spesiale boodskappe en onderskraging. Ek waardeer dit so baie en wens jou net die beste vir 2025.

christelike nuwe jaar boodskappe

• My wense vir jou is ‘n nuwe jaar vol gepak met vrede en hope liefde van jou vriende en familie, en mag God seën mildelik oor jou uitstort.
• Mag die nuwe jaar vir jou seëninge in oorvloed bring van liefde, vreugde, gesondheid, vrede en voorspoed. Mag Jesus jou Leidsman wees en voorsien in elke behoefte na die rykdom van sy Genade, vir môre, oormôre en elke dag.
• “Here, wys my die weg wat ek moet gaan, leer my U paaie”, Psalm 25:4 of “Here, maak my U weë bekend; leer my U paaie” (1934-vertaling).
• Soos die jaar tot ‘n einde kom, moenie terugkyk na gister se teleurstellings nie. Kyk vorentoe na God se beloftes.
• Gebed vir Vandag: “Ek maak my los van wat agter is en strek my uit na wat voor is, sodat ek die hemelse prys kan behaal waartoe God my geroep het.” – Fil 3:13-14.
• Ek kyk dankbaar terug na die oujaar en met nuwe hoop na die nuwe jaar. Ek weet waar my hulp vandaan kom.

Wyshede van Intensie

Die Engelse verwys so graag daarna dat mens dinge ‘intentional’ moet doen.

As jy gewonder het wat die Afrikaanse daarvoor is, dit is ‘met intensie’, ‘daadwerklik’, maar ‘n beter woord is ‘bewustelik’.

Wees bewus van hoe jy praat, leef, doen – jy het net 31,536,000 sekondes in 2025.

• Môre is die eerste skoon bladsy in ‘n 365 bladsye boek. Skryf ‘n goeie een.
• Ek wens vir jou – 12 maande van vrede, 52 weke vol genade, 365 suksesvolle dae, 8760 gesonde ure, 525600 geseënde minute en 31536000 sekondes van lewensblyheid.
• Kom maak dit die beste jaar ooit.
• Leef elke oomblik in verwondering en genade. Wees lief vir mekaar en moet nie aan iemand doen, wat jy nie aan jouself gedoen wil hê nie.
• Die nuwe jaar bied aan elkeen van ons ‘n nuwe kans, ‘n nuwe begin. Waarvoor wag jy?
• Ek is gereed om totsiens te sê aan al die drama en pyn van 2023 en hoop, geluk en wonderwerke in 2025 te verwelkom. Eis dit in geloof.
• My wens vir jou…’n jaar vol liefde, geluk, vrede, gesondheid en baie lag! Voorspoedige Nuwe Jaar.

Kort Nuwejaarswense

Hoe gelukkig kan mens wees in moeilike omstandighede?

Die antwoord is ‘n onomwonde:  “So gelukkig as wat jy kies om te wees”.

My wense vir jou vir 2025 is dan:

• Gesondheid op die Nuwe Jaar!
• Voorspoedige Nuwe Jaar.
• Voorspoed vir 2025.
• ‘n Nuwe jaar om weer te probeer.
• Die is jou jaar!
• Totsiens 2024, welkom 2025!
• Ek stuur vir jou ‘n hele jaar se liefde, vreugde en vrede.
• Wense vir ‘n Voorspoedige Nuwe Jaar met goeie gesondheid, vol blydskap en vrede.
• Van my huis na jou huis – ek bid vir jou ‘n voorspoedige 2024 waarin God se goedheid en guns jou sal volg.
• Tyd vlieg…2024 is 123123 verby!
• Nog 365 kanse om te skitter!
• 2025 is ’n nuwe hoofstuk—skryf jou storie.
• Nuwe jaar, dieselfde wonderlike jy!
• Mag jou drome in 2025 vlerke kry!
• Nuwe drome, wense en vooruitsigte. Kom ons maak dit die beste jaar ooit!

nuwejaars boodskappe van hoop

Hoop is die wete dat:

• elke dag ‘n nuwe begin is;
• dat niks vir altyd is nie;
• is vasbyt en nie-moed-opgee nie!
• skep die verwagting van iets goeds wat voorlê.
• ‘n Realiteit wat ons op die toekoms laat vertrou;
• gee jou krag om enige struikelblok te oorkom;
• jy weet nooit dat dit waarop jy hoop gaan realiseer nie, maar jy klou steeds daaraan vas. JY MOET!

Mag jy nie ‘n enkele oomblik in 2025 hopeloos voel en wees nie.

snaakse nuwejaars wense

Humor is soos ‘n pleister – dit maak die eina van so baie dinge ligter.

Ons ou volkie hou van lag, al is dit vir onsself. Humor sal ook in 2024 deel van ons elke dag se oorlewing wees. Geniet dit en lag uit jou maag.

• “Jy kan opgewonde raak oor die toekoms. Die verlede sal nie omgee nie”. (New Years Thieve)
• Liefste Maatjie, na ernstige en goed deurdenkte konsiderasie is jou vriendskapskontrak vir die nuwe jaar hernu. Hou aan om so oulik te wees soos jy is, dan hernu ek hom weer in die volgende jaar. Dankie vir jou vriendskap (Leilaanne).

As jy ouer is…

• Wens ek jou ‘n jaar sonder pyne en skete, en niks vergete! (Amanda@EasyontheTongue).
• Mag jou kinders jou op die hande dra, min vrae vra en alles vir jou aandra.

jy het my geleer om deur die trane die reënboog te sien dat elke totsiens lei tot ‘n nuwe begin dat elke toets wat jou karakter beproef lei tot geleenthede om jouself te verbeter dat seer kom met lesse waarvan ander ook kan leer was uitdagend en fantasties vol herinneringe wat ek aan die sterre wil hang ‘n jaar van dankbaarheid en onverwagte seën dankie 2024 – kaalwoorde

‘n gebed vir die nuwe jaar

“Here, die jaar is nog leeg. Help my om elke nuwe dag te vul met goeie goed, om te vergewe, lief te hê, meer dankbaar te wees en om met al my besluite eers op te kyk na Bo…(geleen van iemand onbekend).”

O Lewende Hoop, laat my tog nie terugdeins wanneer U die nuwe jaar ontsluit nie. Laat die onbekendheid my nie oorweldig nie en my vrese nie die oorhand kry nie. Leer my hoe om my oë op U gevestig te hou, die Begin en die Voleinder van al my geloof, hoop en liefde. U is in alles die Einde en die Begin, die eerste “Ja” en die laste “amen”.

christelike boodskappe

• Soos wat hy die laaste ure van hierdie jaar ingaan, mag jy dalk onseker wees oor wat vir jou voorlê in die nuwe jaar. Vind jou vrede in die wete dat baie dinge kan verander, maar God nie, en dat Hy jou altyd sal liefhê.
• Stap vol selfvertroue die oujaar uit en die nuwejaar in. Met Jesus as jou Leidsman en jou Gids, hoef jy bang te wees vir niks! Geniet die laaste dag van die jaar.
• Mag die laaste voetspore waarmee jy 2024 uitstap en 2025 instap, vol liefde en vreugde wees. Met God se hand in joune sal dit ‘n Geseënde Nuwejaar wees! (Lize).
• Laat jou lewe aan die Here oor en vertrou op Hom. Hy sal sorg. Ps 37:5.
• Mag God met julle deur die nuwe jaar wees en julle lewe vul met liefde en vreugde. Mag vandag en die dae wat voorlê baie seëninge vir julle inhou… Voorspoedige Nuwe Jaar!
• Voorspoed vir die Nuwe Jaar! “Here, wys my die weg wat ek moet gaan, leer my U paaie…” PSALM 25:4.

om op te som

Mag hierdie jaar vir jou net mooi inhou.  

My wens is dat ten spyte van hartseer en pyn jy ook gelukkig sal wees.

As jy geseënd is met ‘n goeie lewe, mag jy ook goed wees vir ander.

Sien, doen en spreek die goeie. Ons is wat ons sê.

Wees veilig!